A delegación da nosa comarca da Asociación Galega de Apicultura (DAGA do Barbanza-Salnés) vai organizar esta tempada un curso práctico con formato de obradoiro sobre propóleos e cosmética apícola. Será unha actividade presencial fixada para este sábado 15 de xuño na Pobra do Caramiñal, no local de Abellamel (número 1 da rúa Condado). O obradoiro, que ten as prazas limitadas, desenvolverase en horario de mañá e de tarde: de 10.00 a 14.00 horas e de 16.00 a 19.30 horas. Quen precise máis información pode solicitala a través do número de teléfono 609 831 755 (Delegación AGA Barbanza-Salnés) ou do correo electrónico dagabarbanza@elmuelle.es.
