O forte vento do nordés obriga ao Club Náutico Arousa Norte a suspender a Volta a Ons

01 Xuño 2024

Finalmente o forte vento do nordés que batía este sábado na ría, con rachas de até 35 nós, obrigou ao comité organizador do Club Náutico Arousa Norte (A Pobra do Caramiñal) a suspender a Volta a Ons, edición XVI.

Nunha reunión de patróns celebrada na Mariña da Pobra decidiuse por unanimidade a anulación da proba.

Os partes meteorolóxicos xa presaxiaban unhas condicións extremadamente duras para a XVI edición da Volta a Ons. O forte vento do nordeste, que por momentos alcanzou picos de máis de 35 nós, obrigou á frota para permanecer en porto.

As quince embarcacións que se inscribiron nesta prestixiosa proba puntuábel para a Copa Galicia de Cruceiros procedentes de diversos puntos das rías baixas quedaron sen gozar desta regata que organiza o pobrense Club Náutico Arousa Norte e desenvólvese polo incomparábel marco da Ría de Arousa e o arquipélago das Illas de Ons e Onza.

O comité organizador buscará unha nova data no calendario de regatas da Real Federación Galega de Vela para poder levar a cabo esta regata que conta co patrocinio da Clínica do Dr. Gonzalo López Castro e de Atlantic Dental Institute.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.