O Conservatorio Profesional de Noia Felipe Paz Carbajal e a Área de Cultura do Concello de Noia presentaron a axenda do programa Xuño Musical 2024, un completo programa de actuacións que arrincará o xoves 6 de xuño ás 20.30 horas no Coliseo Noela cunha actuación do alumnado de grao elemental do Conservatorio.
Proseguirá o venres 7 ás 20.30 horas na Casa da Cultura de Porto do Son co alumnado de piano; o xoves 20 ás 20.30 horas na Área Recreativa de Artón (Esteiro) co alumnado do Conservatorio de Noia e da Escola de Música Municipal de Muros; o xoves 27 ás 20.30 horas no Coliseo Noela co alumnado de grao profesional; e o venres 28 ás 21.00 horas na rúa do Curro co alumnado da Orquestra Banda e Coro.
Colaboran os Concellos de Porto do Son e Muros.
