‘Padrón na lembranza’, un percorrido fotográfico pola historia da vila

22 Maio 2024

O libro ‘Padrón na lembranza’, editado polo propio Concello de Padrón, xa está á disposición de toda a veciñanza. Unha obra que recolle a historia da vila a través dunha rica serie de fotografías cedidas por José Ángel Rey Castro, presidente da asociación cultural Villa Petroni.

«Estas 319 páxinas son resultado dun arduo labor de busca e recompilación de planos, gravados, postais e estampas antigas de Padrón nas que se fai un percorrido histórico a través da arquitectura, incluíndo ademais os aspectos sociais e culturais de Padrón en cada un dos períodos», sinala o Concello.

Así, o libro amosa os diferentes cambios que sufriu a vila rosaliana co paso do tempo e serve de memoria gráfica do amplo patrimonio cultural, das festas, dos costumes e das tradicións, nalgúns casos xa perdidas.

Os exemplares desta obra están a disposición de todas as persoas interesadas, que poden recoller o seu exemplar na oficina de Turismo de luns a venres de 10.00 a 14.30 horas y de 16.30 a 19.00 horas.

«A veciñanza poderá gozar nas súas casas do libro ‘Padrón na lembranza’ totalmente de balde, ao tempo que dende o Concello convidan a  participar na segunda edición. Deste xeito, todas as persoas que desexen aportar material poden facelo na oficina de Turismo. A recompilación de novas fotografías servirá para continuar a documentar a historia da vila nun libro para o recordo», destacan.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.