Trasladados os dous ocupantes dun vehículo ao envorcar en Rois tras saírse da estrada

05 Maio 2024
Dotación de bombeiros do Consorcio Contra Incendios e Salvamento de A Coruña con base en Boiro colaborou co Ges de Brión, 061 e Garda Civil en accidente con atrapados no Corredor de Noia ao seu paso polo Concello de Rois.

Un helicóptero medicalizado aterrou no lugar dos feitos, sen embargo, os dous feridos, un adulto e un menor, foron evacuados na ambulancia que o Servizo de Urxencias  Sanitarias de Galicia-061 derivou ao punto.

Malia que os Bombeiros de Boiro e o GES de Brión desprazáronse ao lugar nada mais recibir o aviso do 112 Galicia, ante a posibilidade de que algún dos ocupantes estivese atrapado no interior do vehículo, finalmente,  confirmaron que non foi preciso excarcerar.

O 112 Galicia tivo constancia do accidente dez minutos despois das dúas e media deste mediodía. Os alertadores que contactaron a esa hora co 112 Galicia indicaban que se trataba dunha saída de vía, que o coche envorcara e que quitaran a un neno do interior do vehículo, que circulaba pola CG1-5, quilómetro 19, en Urdilde, no concello coruñés de Rois.

Con estes datos, os xestores do 112 puxeron os feitos en coñecemento do Servizo de Urxencias Sanitarias de Galicia-061, que derivou o helicóptero medicalizado con base en Santiago ao punto. Tamén foron informados os Bombeiros de Boiro, os membros do GES de Brión, os axentes de Tráfico e os efectivos da Agrupación de Voluntarios de Protección Civil de Rois.

Con todo, tras tomar terra a aeronave, os Bombeiros confirmaron que as dúas persoas, o adulto e o menor, puideran ser evacuadas en ambulancia polo persoal sanitario.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.