Cambios no segundo escalafón da nova Xunta

22 Abril 2024

O presidente da Xunta de Galicia, Alfonso Rueda, anunciou hoxe tras o consello de goberno a renuncia de Silvia Valdés ao cargo de secretaria xeral de Medios, responsable das relacións coa prensa na Administración autonómica. No seu lugar foi nomeado Pedro Rojo Otero, actual vicesecretario de Organización do Partido Popular de Galicia.

Rojo Otero, unha persoa de confianza para Rueda desde hai varios anos, desempeñou un papel crucial na reestruturación executiva do Partido Popular.

En paralelo, Carmen Cotelo asumirá as rendas da Axencia Galega de Innovación (GAIN), mentres que Margarita Ardao convértese na nova directora xeral de Industria e Só. En Facenda, David Cabañó convértese no novo secretario xeral técnico mentres Arturo López Iglesias pasa a ser director xeral de Orzamentos e Almudena Chacón, a nova interventora xeral.

Pola súa vez, Marisol Díaz Mouteira convértese na nova directora xeral de Patrimonio Natural mentres Iago Borrajo pasa a exercer como secretario xeral técnico da Consellería de Infraestruturas. Dentro desta consellería, Heriberto García Porto é o elixido para ser o secretario xeral de Vivenda e Urbanismo e Victoria Núñez asume a dirección da Axencia de Protección da Legalidade Urbanística.

Joaquín Macho é o novo secretario xeral técnico da consellería de Emprego, Comercio e Inmigración e Elvira Casal desempeñará idéntico cargo na Consellería de Cultura. Por último, Gabriel Alén é o elixido para a dirección xeral de Comercio e Consumo, mentres que Sergio Atán fará o propio en Medio Ambiente e Silvestre José Baseiros asume a dirección xeral de Gandería, Agricultura e Industrias Agroalimentarias. A secretaría xeral técnica da Consellería do Mar recaerá, polo seu parte en Marta Barreiro.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.