O XV Encontro do Voluntariado das Cáritas de Galicia vaise a celebra en Santiago o sábado 6 de abril, no colexio de La Salle, tendo como tema central “do asistencialismo ao enfoque dos dereitos humanos”. A xornada dividirase en tres partes: talleres de traballo, pleno e presentación das conclusións, finalizando o encontro coa celebración Eucarística.
Este tipo de reunións, como lembra a directora de Cáritas Diocesana de Santiago, Pilar Farjas, entidade que actúa de anfitrioa no relativo á organización, serven para compartir experiencias e testemuños e coñecer distintas realidades do traballo en Cáritas .Unha xornada, insiste, moi necesaria para “reencontrarnos e compartir un espazo de formación e oración”, e deste xeito coñecer
distintas realidades do voluntariado.
O tema central do encontro- “do asistencialismo ao enfoque dos dereitos humanos”- desenvolverase a modo de espazo de formación para traballar na acollida das persoas e as súas familiares profundando nos dereitos humanos.
Ao mesmo tempo incidirase en que as persoas atendidas teñan cuberta as súas necesidades e dispoñan de todos os dereitos.
A coordinación correrá a cargo de Sonia Olea, do equipo de Incidencia de Cáritas Española, con máis de 30 anos como xurista especializada en Dereitos Humanos (migracións e exclusión social severa), tanto en España como en América Latina, e avogada
no Grupo de Apoio Xurídico, experta en Dereitos Humanos, Vivenda e Criminaliza.
No encontro participarán voluntarios pertencentes ás Cáritas Diocesanas de Galicia: Santiago, Mondoñedo- Ferrol, Tui-Vigo, Ourense e Lugo.
O programa previsto é o seguinte:
10:00 Acollida
10:30 Oración
11:00 Talleres
13:15 Pleno e Conclusións
14:30 Comida
16:30 Eucaristía
