O percebe de Aguiño celebra unha nova edición da súa festa coincidindo co 100 aniversario da Confraría

27 Marzo 2024

Os edís Vicente Mariño, Fernando Abraldes, Francisco Suárez-Puerta e Antía Alberte presentaron este mércores 27 de marzo a vindeira edición da Festa do Percebe de Aguiño. Fixérono xunto a Manuel Ángel Reiriz, presidente dos Mariscadores e José Antonio Santamaría, patrón maior de Aguiño. O evento, sinalaron, celebrarase o vindeiro 28 de xullo.

Vicente Mariño destacou o compromiso do Concello de Ribeira para dar “un impulso a este evento gastronómico no eido cultural e promovendo o seu impacto social, para converter esta festa nun evento de interese turístico a nivel nacional”.

Pola súa banda, o patrón maior José Antonio Santamaría, destacou que este ano celébrase o 25 aniversario desta festa, “que comezou grazas a un grupo de xente que se interesou en destacar a calidade do produto da Confraría de Pescadores de Carreira e Aguiño, que cumpre tamén 100 anos”. Santamaría explicou que nesta edición repartiranse pratos duns 350 gramos aproximadamente, e estímase servir 1 tonelada de produto.

O presidente Manuel Ángel Reiriz, explicou que a escolla da data correspóndese coas mareas vivas, co propósito de aportar “o mellor percebe posible”. O concelleiro do Mar, Fernando Abraldes destacou amais a posta en valor do percebe de Aguiño que supón a celebración desta festa, e finalmente, o concelleiro Francisco Suárez-Puerta informou que o evento estará amenizado coa música do grupo Leite con Galletas e reafirmou o compromiso do Goberno local para elevar esta celebración gastronómica e turística no eido nacional.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.