Este sábado 16 de marzo un grupo de camiñantes-sendeiristas do concello de Dodro comezou o Camiño A Orixe desde o Faro de Corrubedo. Realizarán en seis etapas o percorrido até Padrón, a través do itinerario xacobeo do Barbanza, os días 16 e 23 de marzo, 13, 20 e 27 de abril e 4 de maio.
Na primeira etapa percorreron unha distancia aproximada de 18 quilómetros visitando a vila de Corrubedo, o Parque Natural de Corrubedo (onde puideron desfrutar das dunas, a flora e a fauna das lagoas de Carregal e Vixán e praias únicas como as de A Ladeira ou o Vilar) para rematar ó pé da Capela de A Guía en Carreira.
O Concello de Dodro habilitou 50 prazas para esta experiencia de sendeirismo.
Esta iniciativa conta coa colaboración da Deputación da Coruña, a Asociación de Amigos do Camiño de Santiago do Barbanza A Orixe e o Concello de Dodro.
