Ribeira pon en marcha un servizo integral para o coidado, o benestar e o control das colonias de gatos

11 Marzo 2024

A concelleira de Benestar Animal de Ribeira, Antía Alberte, presentou este luns 11 de marzo a nova xestión das colonias felinas no Concello trala concesión da subvención do Ministerio de Asuntos Sociais e Axenda 2023 a Callejeros Barbanza.

A concelleira destacou que o programa “incluirá actuacións de sensibilización, obradoiros e asistencia veterinaria aos gatos, así como a instalación de gateiras en zonas de colonias, nas que se instalarán unhas recomendacións básicas de como coidar e alimentar aos animais”. Do importe total desta subvención, uns 6.000 euros estarán adicados á castración polo método CER.

Antía Alberte destacou asemade a necesidade de regular a situación dos alimentadores de colonias felinas, para o que se fará unha formación específica, e se acredite ás persoas que poderán alimentar ás colonias. “Haberá ademais unha formación concreta para funcionariado do Concello” explicou, engadindo que “é precisa a concienciación e a sensibilización con respecto ás colonias felinas”. Os días 16, 23 e 24 de marzo realizaranse formacións para xestores de colonias e obradoiros para a cidadanía en horario de mañá e tarde.

Rosa, voluntaria de Callejeros Barbanza, explicou que a semana pasada xa comezaron coas capturas en diferentes colonias de Ribeira onde hai proliferación co obxectivo de acadar “colonias totalmente castradas” aínda que segundo explica, o aumento de gatos é considerábel debido a varios factores, entre eles destaca o abandono. Seguindo este fío destacou “a necesidade de educación e concienciación sobre os coidados que precisan estes animais en tódalas parroquias”. Finalizando lembrando que dende a asociación están a elaborar un censo de colonias, para o que piden a colaboración da veciñanza co propósito de poder actuar en tódolos grupos de gatos.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.