O paso dunha fronte meteorolóxica marcará o tempo na comunidade ao longo desta xornada do mércores, Nosa Señora do Rosario, deixando un escenario de inestabilidade caracterizado por ceos moi anubrados e precipitacións xeneralizadas. As chuvias serán especialmente persistentes e intensas na metade norte do territorio, onde non se descarta que poidan vir acompañadas de aparato eléctrico de xeito local.
No resto do país agárdanse tamén ceos cubertos e posibilidade de precipitacións de carácter máis disperso, dentro dunha tónica xeral de tempo desapracíbel.
Outro dos factores destacados do día será a caída das temperaturas(máximas de 20 a 24 graos). Os termómetros experimentarán un descenso xeneralizado, que se fará especialmente evidente nos valores máximos diúrnos, deixando un ambiente fresco e desapracíbel en comparación con xornadas anteriores.
O noso mar: Vento do norte á mañá e do norte á tarde e á noite, forza 2 a 3 á mañá e 3 a 5 á tarde e á noite. Mar ovellado á mañá e marusía á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 0.5 a 1 metros á mañá e á tarde e 1 a 1.5 metros á noite.
