A semana comeza con tempo inestable na capital galega e nas Rías Baixas por mor do aire frío en altura, a pesar do dominio anticiclónico en superficie. Agárdase un luns 5, San Froilán, con ceos cambiantes, con alternancia de nubes e claros e néboas matinais nos vales do interior compostelán.
Cara ao final do día, a entrada dunha fronte polo sur deixará precipitacións que comezarán polas Rías Baixas e irán avanzando cara a Santiago ao caer a noite.
As temperaturas mínimas continuarán sen cambios, mentres que as máximas experimentarán un lixeiro ascenso(máximas 24 a 26 graos).. O vento soprará de compoñente leste, frouxo en xeral e con intervalos moderados no litoral norte.
O noso mar; vento do nordés á mañá, do noroeste á tarde e variable á noite, forza 2 a 3 á mañá e 1 a 2 á tarde e á noite. Mar ovellado á mañá e mar rizado á tarde e á noite. Visibilidade boa á mañá e á tarde e regular á noite. Mar de fondo do noroeste, con ondas de 0.5 a 1.5 metros.
