Este mércores arrincan as III Xornadas da Historia de Muros

06 Outubro 2026

Desde este mércores, 7 de outubro, e ata o sábado 10 ás 20:00 horas, celébranse na antiga Fábrica de Sel as III Xornadas da Historia de Muros, organizadas pola área de Cultura do Concello.

As xornadas inaugúranse este mércores coa exposición e a charla Muros nos seus documentos, ás 20.00 horas, na que se expoñerán e se falará sobre as copias dos documentos máis importantes do arquivo histórico de Muros. Intervirán na charla Josefa Fernández e María Mallo, técnicas do Concello. Tamén a concelleira de Cultura, Caridad González.

O día 8 será a quenda da charla Singularidades da Semana Santa de Muros, a cargo de María Mallo, a partir das 20.00 horas.

O día 9 á mesma hora está prevista a charla A salga e as conserveiras e Muros, da man do historiador Santiago Llovo.

O día 10, tamén ás 20h, Manuela Lariño (experta en conservación e restauración de patrimonio) falará de As capelas portátiles e a súa salvagarda.

A continuación haberá un concerto de clausura a cargo de Rafa Fernández (guitarra acústica) e Benjamín Otero (oboe).

As xornadas serán conducidas por Marga Novo Malvárez, doutora en Historia da Arte (UIB).

A concelleira de Cultura, Caridad González Cerviño, sinala que “o principal obxectivo destas xornadas é poñer en valor o noso patrimonio histórico e cultural, incidindo na importancia de coñecer as particularidades da nosa vila da man da veciñanza”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.