O Coliseo Noela de Noia acolle este sábado 3 de outubro a representación de Sol Fuerza, da compañía galega aAntena e protagonizada por Lucía Veiga. Será ás 20.30 horas con entrada de balde ata completar o aforo.
Trátase dun espectáculo para público adulto que mestura humor, música, memoria e crítica social para falar de enerxía, progreso e do impacto dos diferentes modelos de desenvolvemento sobre o noso territorio.
Entrada de balde ata completar aforo. As entradas poderán recollerse na billeteira o propio día da función.
A representación forma parte do programa Outono das Artes da Deputación da Coruña e da programación cultural do Concello de Noia.
Sol Fuerza é unha farsa teatral baseada en feitos reais sobre fraudes industriais, memoria e enerxía. Unha comedia contemporánea que combina ironía, historia e crítica social cunha profunda conexión coa identidade galega. Tres historias entrelazadas levan ao público nunha viaxe que abrangue desde os anos 50 ata a actualidade, co toxo como símbolo central dunha Galicia que loita por non perderse entre promesas e progreso.
A obra conta coa presenza de Lucía Veiga, nomeada aos Premios Goya como Mellor Actriz Revelación, que se encarga de achega humor e profundidade á obra, e de Manu Fernández e Virxinia Bermúdez, recoñecidos pola súa versatilidade, completando un elenco que transforma cada historia en espectáculo.
