O Concello de Outes presentou a axenda de actividades (unha trintena de obradoiros cuadrimestrais) dos Centros Sociais de Outes: unha completa listaxe de propostas creativas, de lecer e deportivas que se desenvolven entre o mes de outubro de 2026 e xaneiro de 2027.
Cómpre anotarse no Centro Social da Serra a partir do 21 de setembro.
As actividades levaranse a cabo no Centro Social da Serra, no Centro Sociocultural de Pontenafonso, no Centro Sociocultural de Cando, no Centro Sociocultural de San Lourenzo, no Colexio do Cruceiro de Roo, no Centro Sociocultural de San Cosme, no Centro Náutico do Freixo e na Aula Sostible do Freixo.
Haberá obradoiros de memoria, de ximnasia, de pilates, de bailoterapia, de ioga, de traballos en coiro, de cestería, de gancho, de vainicas e de corte e confección.
