O Concello de Muros organiza unha nova edición dos obradoiros de memoria Activa a túa mente, dirixidos ás persoas maiores de 65 anos para mellorar a súa calidade de vida.
O Concello organiza de novo estes obradoiros de memoria en Muros, Esteiro e Torea.
“Coidar ás persoas maiores é fundamental para nós e procuramos organizar todo o ano iniciativas neste ámbito, impulsando un envellecemento activo”, informou a alcaldesa de Muros, María Lago.
Pola súa banda, o concelleiro de Servizos Sociais, Mario Martínez Lago, destacou que “este programa é fundamental para mellorar a saúde e o benestar dos nosos maiores, polo que animamos á veciñanza a participar”, agradecendo a colaboración de AFAFES.
As actividades comezan o 5 de outubro e as prazas son limitadas.
O prazo para inscribirse remata o 1 de outubro e pode facerse acudindo ás oficinas de Servizos Sociais ou chamando ao número de teléfono 981 762 465.
