As altas presións situadas ao norte da península Ibérica deixarán unha xornada do sábado, San Xenaro, e domingo de marcada estabilidade e aire cálido procedente do sur en toda a área de Santiago de Compostela e nas Rías Baixas.
Tras as néboas e nubes baixas que poden aparecer durante as primeiras horas da mañá en zonas do interior compostelán os ceos tenderán a quedar completamente despexados e moi soleados tanto na capital galega como en toda a franxa costeira.
Os termómetros rexistrarán un ascenso moderado nas temperaturas máximas deixando un ambiente moi cálido pola tarde mentres que as mínimas non experimentarán grandes variacións (máximas 29 a 30 graos).
O vento soprará de compoñente nordés acadando intervalos de intensidade moderada especialmente no litoral das Rías Baixas e nos puntos máis expostos da costa.
O noso mar: Vento do nordés á mañá e á noite e do noroeste á tarde, forza 2 a 3 á mañá e á noite e 2 a 4 á tarde. Mar ovellado á mañá e á noite e marusía á tarde. Visibilidade boa. Mar de fondo do noroeste, con ondas de 1.5 a 2 metros.
