O domingo 6, San Zacarías, manterase a influencia das altas presións sobre Galicia, pero con ventos do oeste que irán retirando o aire cálido e achegando humidade desde o mar. Agárdanse brétemas e nubes baixas no litoral oeste e néboas en comarcas do interior, no resto os ceos con nubes de tipo alto. Pola tarde medrarán algunhas nubes de evolución en zonas altas, sen demasiadas consecuencias. As temperaturas experimentarán un descenso moderado, especialmente na metade oeste(máximas de 26 a 30 graos). O vento soprará frouxo do oeste-noroeste, con intervalos moderados no litoral.
O noso mar; Vento do norte á mañá, do noroeste á tarde e do norte á noite, forza 2 a 3 á mañá, 2 a 4 á tarde e 3 a 4 á noite. Mar ovellado á mañá e marusía á tarde e á noite. Visibilidade regular á mañá e á tarde e boa á noite. Mar de fondo do noroeste, con ondas de 0.5 a 1.5 metros.
