Este sábado 1 de agosto celebráronse en Ribeira, coincidindo co día grande das Festas do Verán, os actos na honra da Virxe do Carme, que incluíron a tradicional misa solemne no porto e máis a procesión marítima que partiu desde a Lonxa nova cara a entrada da ría (as inmediacións do Sinal) e tivo o seu momento máis emotivo co lanzamento dunha coroa en homenaxe aos que perderon a vida no mar.
Nos actos, ateigados de veciños de Santa Uxía e de todas as parroquias do termo municipal participaron (entre outras/os) o párroco Alfonso Mera, a conselleira do Mar, Marta Villaverde, os patróns maiores das Confrarías de Pescadores de Ribeira, Aguiño e Palmeira, José Antonio Pérez Sieira, José Antonio Santamaría e Miguel A. Franco (respectivamente), e a alcaldesa María Sampedro.
