As escaleiras da Cachada, no parque boirense do mesmo nome, vai acoller este mércores 26 de agosto unha nova función máxico-musical do Mago Teto: Galerock n’ magic, un espectáculo do Mago Teto para público infantil e familiar.
A cita será de entrada libre ás 20.30 horas.
GaleRock’N’Magic é un percorrido desde o rock do Xabarín Club que marcou unha xeración ata os grupos musicais actuais que están poñendo de novo a música galega no máis alto. Trátase dunha viaxedesde o rock galego dos 80 e 90 de Siniestro Total ou Los Suaves ata o do século XXI pasando polo bravú.
Moita música en directo, pero tamén moito humor e moita maxia nun espectáculo nostálxico para uns, divulgador para outros e fascinante para todas.
Un espectáculo cheo de chiscadelas e abraios que dignifica e pon en valor a nosa historia musical coa ilusión como vehículo transmisor.
Ficha artística
Elenco espectáculo: Mago Teto
Dirección: Fran Rei
Duración minutos: 70min
Guitarra eléctrica e voces: Mr. Cool
Baterista: Fer Risco
Técnico de iluminación e son: Javier Adán Ayude “Beca”
Audiovisual: Granero Vídeo
Deseño gráfico: Carla Piñeiro “Labluetattoo”
Fotografía: María Simon
Idea orixinal: Héctor Guerra
Composición e arranxos musicais: Ramón Orencio
