Galicia continuará durante esta xornada do xoves 16, Día de Nosa Señora do Carme, festivo local en Boiro, Muros, Noia, Rianxo, Ribeira e O Grove, baixo a influencia das baixas presións situadas ao noroeste, o que manterá unha marcada inestabilidade atmosférica en toda a comunidade.
Segundo o prognóstico meteorolóxico, agárdanse ceos nubrados con chuvascos treboentos que poderán ir acompañados de sarabia a partir do mediodía. Con todo, os fenómenos máis intensos e frecuentes concentraranse na provincia de Lugo.
En Santiago e nas Rías Baixas o ambiente será predominantemente gris, con posibilidade de ballóns máis illados e de curta duración.
No que respecta aos termómetros, as temperaturas mínimas non experimentarán cambios significativos, mentres que as máximas sufrirán un lixeiro descenso, deixando un ambiente máis fresco nas horas centrais do día (máximas previstas de 25 graos). O vento soprará frouxo de compoñente sur en todo o litoral e o interior occidental.
A previsión apunta a que esta situación de inestabilidade comezará a remitir de forma progresiva de cara ás vindeiras xornadas, coa vista posta na fin de semana, cando se agarda o regreso do anticiclón.
O noso mar; vento do sueste á mañá, do sudoeste á tarde e variable á noite, forza 1 a 3 á mañá e á tarde e 1 a 2 á noite. Mar ovellado á mañá e á tarde e mar rizado á noite. Visibilidade regular á mañá e boa á tarde e á noite. Mar de fondo do noroeste, con ondas de 0 a 1 metros.
