A primeira Festa na Praia organizada polo Festival Rock in Rian celébrase este sábado 11 de xullo de 2026 no areal de Tanxil (Rianxo). Esta xornada serve como o evento de clausura do programa cultural Viladomar e como antesala do propio festival Rock in Rian, unha cita imprescindíbel coa música no Barbanza.
Será en palabras da organización “unha xornada completa con actividades gratuítas á beira do mar pensadas para todos os públicos”.
O acceso será libre e de balde ao longo de todo o día, aínda que algunhas actividades específicas de Viladomar, como o paseo en barco ou o roteiro teatralizado, requiren inscrición previa na súa ligazón oficial.
O programa da Festa na Praia inclúe unha sesión vermú e un torneo de fútbol o para ir quecendo motores: O Mundial de Tanxil.
Logo haberá “moita música” dende a tarde da man de DJ Loourx, Curi & Soundivan e Matta.
A axenda inclúe cócteis, música en directo, torneos, roteiros teatralizados e un paseo en barco.
