A comunidade continuará este mércores 29, Santa Marta e San Lázaro, baixo a influencia das altas presións, aínda que a entrada de vento de compoñente oeste achegará unha gran cantidade de humidade desde o mar, en forma de brétemas e néboas costeiras.
A xornada caracterizarase por ceos moi despexados no interior, mentres que todo o litoral atlántico amoreará néboas e nubes baixas durante a mañá. Ya pola tarde, esta cobertura nubosa irá remitindo e quedará restrinxida principalmente ao terzo norte do territorio.
En canto ás temperaturas, agárdase un descenso de lixeiro a moderado, que se fará notar con maior intensidade na metade norte e no oeste da Comunidade (26 graos na costab e 30 no interior). Os ventos soprarán de compoñente oeste-noroeste, sendo en xeral frouxos.
O noso mar: Vento do noroeste á mañá, do noroeste á tarde e variable á noite, forza 1 a 2 á mañá, 2 a 4 á tarde e 1 a 3 á noite. Mar rizado á mañá, marusía á tarde e mar ovellado á noite. Visibilidade regular á mañá e boa á tarde e á noite. Mar de fondo do noroeste, con ondas de 0.5 a 1 metros.
