O Pleno do Concello de Santiago aprobou na súa sesión ordinaria do mes de xullo os dous festivos locais para o ano 2027. O xoves 6 de maio (Día da Ascensión) e o luns 16 de agosto (San Roque) serán as dúas xornadas festivas retribuídas e non recuperables elixidas para a capital galega.
A proposta saíu adiante co respaldo unánime de todas as forzas políticas da corporación (BNG, Compostela Aberta, PP, PSOE e concelleiros non adscritos), tal e como establece a normativa laboral vixente.
Un calendario de 14 días xa pechado
Con esta decisión municipal completase o calendario laboral de Santiago para 2027, sumándose ás fechadas fixadas pola Xunta de Galicia no Diario Oficial de Galicia (DOG):
- San Xosé e Letras Galegas: A Consellería de Emprego, Comercio e Emigración determinou como festivos autonómicos propios o 19 de marzo (San José) e o 17 de maio (Día das Letras Galegas).
- Axustes no calendario: Ao coincidir en domingo dúas datas clave —o 15 de agosto (A Asunción) e o 25 de xullo (Día Nacional de Galicia)—, o Goberno galego optou por substituílas e incorporar o 17 de maio e o 19 de marzo respectivamente.
En total, Compostela contará en 2027 coas 14 xornadas festivas regulamentarias: nove de carácter estatal, tres autonómicas e as dúas locais recentemente aprobadas polo Pleno municipal.
