Este sábado 11 de xullo, a parroquia de Bergondo (Noia) vai celebrar a súa tradicional Festa de San Benito cunha programación pensada para todas as idades: sesión vermú, gastronomía, inchábeis con auga, festa da escuma e moita música ata ben entrada a noite.
A festa comezará a primeira hora coas dianas e alboradas a cargo da Agrupación Folclórica Os Salgueiriños e proseguirá cunha sesión vermú a cargo do Grupo M-5 Galicia.
Ao mesmo tempo estará aberta unha carpa para desfrutar de polbo e churrasco a prezos populares.
Pola tarde a partir das 17.00 horas haberá xogos para a rapazada: inchábeis con auga e posteriormente unha festa da escuma (de 19.30 a 20.30 horas).
Polo serán, a partir das 21.00 horas, actuará o Grupo Mirando Flores.
Pola noite ás 22.30 horas volverá actuar o Grupo M-5 Galicia.
Ao rematar haberá unha actuación de Disco Chocolate.
