A XII Carreira pola Diversidade de Ambar reúne en Ribeira a 415 participantes e recada 9.500 euros
12 Xullo 2026
A explanada de Coroso acolleu unha xornada inclusiva marcada polo éxito da nova proba lúdica e o forte apoio social ao proxecto de vivendas inclusivas da entidade.
A solidariedade, o deporte e a inclusión volveron darse a man este domingo, 12 de xullo, na celebración da doceava edición da Carreira pola Diversidade, a emblemática cita solidaria organizada pola Asociación Ambar das Persoas con Diversidade Funcional. O evento saldouse cun gran éxito social ao acadar os 415 inscritos en total e lograr unha recadación de arredor de 9.500 euros.
Estes fondos destinaranse integramente ao proxecto da entidade ‘Ecosistema de vivendas inclusivas e servizo de apoio á comunidade’, que busca mellorar a autonomía e a calidade de vida das persoas con diversidade funcional.
Unha proba lúdica chea de sorpresas e cor
A gran novidade desta anualidade foi a introdución dunha Proba Lúdica de 2,5 quilómetros sen a presión do cronómetro. Deseñada como unha andaina para gozar en familia, de xeito accesible ou coas mascotas, logrou atraer a 243 persoas. Ao longo do traxecto, os participantes desfrutaron de divertidas estacións con baños de escuma, rodillos secantes, chorros de auga e sopradores de aire, culminando cun photocall interactivo con recordo impreso.
Ademais, ao remate, todos os menores de 16 anos recibiron medallas e unha cometa doada pola empresa Dismac. O vento de última hora da xornada permitiu que as cometas alzasen o voo, enchendo de cor o ceo de Coroso.
Pola súa banda, a carreira absoluta contou con 172 corredores e contemplou categorías plenamente inclusivas como cadeira de atletismo, handbike e zapatilla inclusiva. A xornada pechouse cun pincho solidario no Bar El Paseo, amenizado pola música do grupo The Cuncas.
Respaldo institucional e empresarial
A entrega de premios contou cunha ampla representación social. Por parte do Concello de Ribeira asistiron o concelleiro de Deportes, Álex Vidal —quen felicitou a Ambar pola organización e o seu labor de sensibilización—, e o concelleiro de Auga e Saneamento, Vicente Reiríz.
En representación de Ambar estiveron a súa presidenta, Milagros Rey, a secretaria Alicia Romero, e os directivos Juan Carlos Rial e José Manuel de la Iglesia. Tampoco faltaron representantes de firmas colaboradoras como Isabel Cañas (Congalsa), Manuel López (Motor Boiro), Lucía Outeiral (Autos Outeiral) e o avogado Pablo Ferreirós.
“A Carreira pola Diversidade é moito máis ca un evento deportivo: é unha demostración do compromiso da sociedade coa inclusión. Cada inscrición axúdanos a seguir construíndo oportunidades”, destacou Milagros Rey, agradecendo o apoio unánime de participantes, voluntarios e patrocinadores.
Cadro de Honra da XII Carreira pola Diversidade
A continuación detállanse os principais podios das categorías competitivas e inclusivas:
A xornada rematou cun pincho solidario no Bar El Paseo, que foi amenizado polo grupo musical The Cuncas.
A Comisión de Traballo, Economía Social e Seguranza Social do Congreso aprobou este mediodía a proposición non de lei do BNG que demanda un reforzo de persoal e de medios os centros do ISM na Galiza. A iniciativa contou cos votos favorábeis de todos os grupos, agás...
O Cine París de Muros acolleu este sábado a presentación da exposición Sinaladas. A loita das mulleres no século XX: cen anos de conquistas e represión, unha mostra que nos achega ás historias de mulleres que loitaron, avanzaron, abriron camiños e tamén sufriron a...
O Concello de Rianxo, a través da Concellería de Política Social, organiza unha xeira de tres novas saídas ás Termas de Cuntis nos meses de outubro, novembro, decembro destinadas a persoas maiores de 50 anos empadroadas no noso municipio. As saídas encádranse na nova...
O Concello de Rianxo é beneficiario dunha subvención da Consellería de Emprego, Comercio e Emigración, por importe de 546.552 euros, para o desenvolvemento dun obradoiro dual de emprego: o Obradoiro Dual de Emprego Paio Gómez Charino. O programa laboral permitirá...
“Axúdanlles moito máis aos estranxeiros que ás familias humildes da zona”. Observo como unha muller inmigrante, entregaba un cupón de alimentos, e saía do supermercado con dous carros repletos de comida, mentres que a unha veciña, sen apenas recursos, só lle dan unha...
Desembarcou no porto de Vigo o 7 de agosto de 1924, cargada de cámaras e acompañada do seu pai, que levaba o diario da expedición. Chamábase Ruth Matilda Anderson, de Nebraska. A Hispanic Society of America, con sé en Nova York, mandábaa ao norte de España para deixar...
