O hidromel caseiro feito polo apicultor Fernando Cores Iglesias, da Pobra do Caramiñal, gañou as catas de outro de bronce no Concurso Internacional Portugués de Hidromel, o CHIP.
Trátase dun evento transfronteirizo adicado exclusivamente ao dito produto, sendo hoxe en día un referente no sector peninsular e europeo que xunta cada ano a produtores, xuíces, marcas e expertos nun entorno deseñado para “celebrar a excelencia, a innovación e a tradición desta bebida ancestral”.
O programa inclúe catas profesionais, a creación de alianzas estratéxicas, obradoiros especializados, exposicións e un amplo programa de actividades culturais, fomentando o coñecemento, o intercambio e o crecemento do hidromel a nivel mundial.
Participaron na última edición produtores e expertos de 3 continentes e 14 países. Incluíu ademais a celebración de 500 catas.
Neste contexto, o produtor Fernando Cores Iglesias, actual delegado do Barbanza e Salnés da Asociación Galega de Apicultura, acudiu á cita portuguesa con dúas mostras de hidromel artesanal, na categoría (precisamente) de hidromel caseiro, modalidade na que o produto de Fernando elaborado con mel e esencia de especies acadou o ouro. Tamén logrou o bronce na final de Best of Show (finalmente disputada unicamente entre as e os participantes que conseguiron previamente o ouro).
O seu hidromel Esencia de especies é un produto feito con auga, lévedo, mel de castiñeiro da comarca do Barbanza e unha mestura de 8 especies diferentes. “Trala sua fermentación e pasados 5 meses de varios procesos de clarificación, manual e artesá 100%, conséguese un hidromel de 14 graos de alcohol cun sabor a especies único”, explicou o propio produtor, quen salientou que “neste evento portugués os hidromeles enviados desde Polonia e Mexico conseguiron moitas medallas de ouro, e Galicia e o Barbanza situáronse no máis destacado con este ouro, coa seu mel de castiñeiro, nunhas finais contra países que teñan moita tradición, historia e fabricación e bo facer en hidromel”.
Ademais, Fernando Cores presentou un hidromel feito con cogomelos e fungos (Bosque de outono), que non acadou ningún título nesta categoría pero “obtivo unha moi boa nota” na clasificación, destacou Fernando, engadindo que entre 2000 catas acadou 74 puntos finais de 100, estando a piques de “entrar a medallas”.
