O Concello de Noia informou de que xa están en execución as obras de mellora do firme na rotonda de entrada á vila, en palabras do Goberno local “unha actuación moi demandada debido ao estado que presentaba esta importante vía de acceso ao noso municipio”.
A mellora desta infraestrutura foi unha das solicitudes reiteradas que o Goberno municipal trasladou á Axencia Galega de Infraestruturas, polo que dende o Concello agradecen “a receptividade amosada para dar resposta a esta necesidade”.
Os traballos están a desenvolverse de maneira coordinada coa Policía Local de Noia para “minimizar as incidencias no tráfico e garantir a seguridade durante a execución das obras”.
Dende o Concello de Noia queren agradecer á Xunta de Galicia, á Delegación Territorial da Coruña e á Axencia Galega de Infraestruturas a atención prestada.
