Esta semana (entre este luns 29 e este martes 30 de xuño) o Concello de Noia, a través das brigadas municipais de limpeza e mantemento, está a realizar unha limpeza integral do aparcadoiro Xuíz Falcone.
O Concello lembra que este espazo está situado xunto ao Campo da Feira e forma parte dunha contorna moi utilizada pola veciñanza e tamén polos visitantes doutros concellos. Por este motivo, o aparcadoiro permanecerá pechado durante este luns e este martes, mentres se desenvolven os traballos.
O Concello pediu desculpas “polas molestias que esta actuación poida ocasionar” e agradece “a comprensión e colaboración de todos os veciños e veciñas”.
