Vículado a Ribeira onde foi profesor e tamén o seu pai no IES 1 e autor da toponímia do Concello editada pola Real Academia Galega.
A Real Academia Galega expresa o seu fondo pesar polo pasamento de Fernando Cabeza Quiles. O filólogo, colaborador do Seminario de Onomástica, foi un incansable estudoso e divulgador dos nomes da nosa terra, en particular daqueles lugares que marcaron a súa traxectoria vital. Mostra desta paixón son os catro volumes que deixa publicados na colección Terra Nomeada: Toponimia da Estrada (2018), Toponimia de Carballo (2020), Toponimia de Ribeira (2022) e Toponimia de Padrón e Pontecesures (2025), que presentou o pasado mes de xaneiro.
O escritor e filólogo Fernando Cabeza Quiles faleceu este venres aos 73 anos tras sufrir unha caída mentres circulaba en bicicleta no municipio coruñés de Carballo. O accidente produciuse ao redor das 13.00 horas no quilómetro 1 da estrada DP-1914, un tramo caracterizado pola súa forte pendente, e no que non se viron implicados outros vehículos.
Segundo informou o CIAE 112 Galicia, foi un particular quen deu a voz de alarma ao presenciar a caída nesta vía. De inmediato activouse un operativo de emerxencias no que participaron Urxencias Sanitarias de Galicia-061, a Garda Civil de Tráfico e o servizo municipal de Protección Civil de Carballo. Con todo, á súa chegada ao lugar, os equipos sanitarios só puideron confirmar o falecemento do escritor, sen posibilidade de realizar manobras que reverteran o desenlace.
Fernando Cabeza Quiles, nado en Ponferrada, foi unha figura destacada no ámbito da toponimia galega, ademais de autor de ensaios, relatos, poesía e numerosos artigos de carácter etnográfico, histórico e social. Ao longo da súa vida residiu en diversas localidades galegas por motivos profesionais, entre elas A Estrada, Ribeira, Vigo e, finalmente, Carballo.
Precisamente o seu paso por Ribeira forma parte da súa vinculación con esta localidade, onde exerceu como docente e desenvolveu parte da súa traxectoria profesional, contribuíndo a reforzar a súa conexión coa cultura e o territorio galego.
A noticia xerou numerosas mostras de pesar no ámbito cultural, entre elas as da Asociación de toras toras e tores tores en Lingua Galega e a de colegas e amigos que destacaron a súa achega ao estudo e divulgación do patrimonio lingüístico de Galicia.
En abril de 2023 a raíz da publicación da Toponimia de Ribeira O Barbanza publicou unha entrevista co autor que saíu na edición 46 de marzo- abril de 2023 e que reproducimos de seguido:
