As Rías Baixas e a área de Santiago vivirán este mércores 6, unha xornada marcada pola alternancia de nubes e claros. Nas primeiras horas do día poderán rexistrarse néboas e nubes baixas, especialmente en zonas do interior e arredores de Santiago.
Co paso das horas, manteranse os intervalos nubrados, con probabilidade de chuvascos, máis frecuentes cara ao norte e en áreas próximas a Santiago, mentres que nas Rías Baixas serán máis ocasionais.
As temperaturas non experimentarán grandes cambios, aínda que nas Rías Baixas poderían subir lixeiramente as máximas(17 a 20 graos). O vento soprará do nordés, en xeral frouxo, con intervalos de moderado no litoral atlántico.
O noso mar; vento do nordés á mañá, do noroeste á tarde e do norte á noite, forza 2 a 3 á mañá, 4 a 5 á tarde e 3 a 5 á noite. Mar ovellado á mañá, forte marusía á tarde e marusía á noite. Visibilidade boa. Mar de fondo do noroeste, con ondas de 0 a 1 metros.
