A Asociación de Amas de Casa de Ribeira, a través do seu Club de Lectura e coa colaboración do Concello de Ribeira, organizará o vindeiro día 14 de maio, de 17.00 a 20.00 horas, un mercadiño solidario de libros na praza do Concello. A recadación obtida irá destinada integramente a ASANOG, asociación de cancro infantil e xuvenil de Galicia.
Esta iniciativa naceu co obxectivo de fomentar a lectura e, ao mesmo tempo, apoiar o importante labor que ASANOG desenvolve en favor de nenos e mozos oncolóxicos e das súas familias.
O mercadiño contará con libros para todos os públicos e idades, permitindo aos asistentes colaborar con esta causa solidaria mediante a adquisición de exemplares a prezos simbólicos.
Desde a Asociación de Amas de Casa de Ribeira queren “destacar a importancia de promover actividades cun marcado carácter social e solidario, agradecendo especialmente a colaboración do concello de Ribeira e a implicación de todas as persoas que farán posible esta iniciativa”.
A asociación anima a toda a cidadanía a participar e colaborar nesta cita solidaria
