Galicia quedará este venres 17, baixo a influencia das altas presións, nunha xornada marcada pola estabilidade atmosférica. Durante a mañá agárdanse néboas e nubes baixas en zonas do interior, que irán disipándose co paso das horas para dar lugar a ceos moi abertos en xeral, con presenza de nubosidade alta. No norte da provincia de Lugo persistirán nubes de estancamento.
No que respecta ás temperaturas, as mínimas manteranse sen cambios ou con lixeiros descensos, mentres que as máximas experimentarán un ascenso entre lixeiro e moderado, especialmente na metade sur da comunidade.(20 -22 graos). Os ventos soprarán frouxos do norte-nordés no interior, sendo moderados no litoral.
O noso mar; vento do norte á mañá, do noroeste á tarde e do norte á noite, forza 1 a 2 á mañá e 4 a 5 á tarde e á noite. Mar rizado á mañá e forte marusía á tarde e á noite. Visibilidade boa. Mar de fondo do noroeste, con ondas de 1.5 a 2.5 metros.
