Galicia manterase este sábado baixo a influencia das altas presións, cun claro dominio do vento do nordés que deixará unha xornada marcada pola estabilidade atmosférica na maior parte do territorio.
Agárdanse ceos pouco nubrados ou despexados en xeral, aínda que pola tarde poderán formarse nubes de evolución nas zonas montañosas do leste, onde non se descarta algún chuvasco treboento de carácter illado.
No que respecta ás temperaturas, experimentarán un lixeiro ascenso na maior parte de Galicia (24 a 27 graos).
O vento soprará moderado do nordés, con intervalos de intensidade forte no litoral da provincia da Coruña, reforzando a sensación de frescor nas zonas costeiras.
O noso mar: Vento do nordés á mañá, do norte á tarde e do norte á noite, forza 4 a 5 á mañá e 2 a 4 á tarde e á noite. Forte marusía á mañá, mar ovellado á tarde e marusía á noite. Visibilidade boa. Mar de fondo do oeste á mañá e noroeste á tarde e á noite, con ondas de 1 a 2 metros.
