O Club de Lectura Ámbito Cultural Santiago presentouse este martes, no espazo de Ámbito Cultural do Corte Inglés de Compostela coa participación da xornalista e escritora compostelá María Solar como convidada.
Tras este encontro de presentación ante os medios, a primeira cita oficial do club ten lugar este mércores 22 ás 19.00 horas.
A iniciativa enmárcase na semana final do denominado Mes do Libro, unha programación especial impulsada por Ámbito Cultural de El Corte Inglés de Santiago.
O acto de presentación contará tamén coa presenza de Miguel García-Fernández, coordinador do Club de Lectura, quen dará a coñecer os obxectivos e o funcionamento deste novo proxecto cultural. Pola súa banda, María Solar será a autora convidada na sesión inaugural do club.
