Galicia estará este mércores baixo a influencia dunha fronte que se achegará pola costa oeste, o que traerá un aumento das nubes na metade occidental da Comunidade. Nas Rías Baixas e en Santiago prevese unha mañá con ceos nubosos e precipitacións intermitentes, máis intensas nas zonas costeiras e no norte.
Cara á tarde, a situación mellorará nas comarcas do sur, onde se abrirán claros e mesmo se poderían rexistrar intervalos de sol, aínda que non se descarta algún chuvasco illado en áreas montañosas do interior.
As temperaturas mínimas descenderán lixeiramente, mentres que as máximas experimentarán un ascenso, especialmente nas provincias orientais. En Santiago rondarán os 18 graos de máxima, e nas Rías Baixas poderían superar os 20.
O vento soprarará do sur-suroeste, moderado no litoral e máis frouxo nas zonas interiores. Pola noite tenderá a amainar, quedando variable en xeral.
O noso mar: vento do sur á mañá, do sudoeste á tarde e variable á noite, forza 3 a 4 á mañá e á tarde e 1 a 2 á noite. Marusía á mañá e á tarde e mar rizado á noite. Visibilidade boa. Mar de fondo do noroeste, con ondas de 1.5 a 2.5 metros á mañá, 2.5 a 3 metros á tarde e 4 a 5 metros á noite.
