A xornada do martes estará marcada por un aumento da inestabilidade atmosférica en Galicia, coa formación dunha baixa presión sobre a Península que favorecerá o desenvolvemento de chuvascos.
Nas Rías Baixas e na área de Santiago, agárdanse ceos con nubes medias e altas durante a mañá, nun ambiente relativamente tranquilo. Será a partir do mediodía cando a situación se complique, coa aparición de chuvascos treboentos que poderán afectar a boa parte da metade sur, incluíndo estas comarcas.
Non se descarta que algunhas destas precipitacións veñan acompañadas de sarabia e refachos intensos de vento de carácter puntual, polo que se recomenda precaución durante a tarde.
As temperaturas manteranse sen cambios significativos, aínda que poderán rexistrarse lixeiros ascensos na metade norte. (máximas 26 graos).
O vento soprará de compoñente nordés, moderado en xeral, con intervalos fortes no litoral noroeste, sen especial incidencia directa nas Rías Baixas.
O noso mar; vento do nordés á mañá, do norte á tarde e variable á noite, forza 2 a 4 á mañá, 4 a 5 á tarde e 3 a 4 á noite. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 0.5 a 1.5 metros á mañá e á tarde e 1 a 1.5 metros á noite.
