A Igrexa Parroquial de San Vicente de Noal de Porto do Son acolleu este luns 27 de abril o acto de entrega da Medalla de Ouro do Concello a José Antonio Vila Brión, unha distinción coa que se recoñece a súa traxectoria e compromiso exemplares co municipio sonense.
O acto contou cunha gran afluencia de público, así como tamén coa distinguida presenza do Arcebispo de Santiago de Compostela, Francisco José Prieto, que oficializou a misa.
O alcalde de Porto do Son, Luis Oujo, foi o encargado de entregar a medalla a José Antonio Vila, nunha xornada moi emotiva e na que tamén asistiron membros do Goberno local, deputados autonómicos, o comandante Xefe do Eva10, o capitán da Garda Civil e o patrón maior de Porto do Son e Portosín.
José Antonio Vila Brión exerceu durante anos como sacerdote en Baroña e Xuño.
Antes do seu traballo como sacerdote nas ditas parroquias exerceu como capelán militar durante máis de tres décadas. En outubro de 2021, foi un dos catro sacerdotes veteranos condecorados pola súa longa traxectoria e labor pastoral na zona durante a celebración do Pilar.
