Gardacostas de Galicia decomisou durante a fin de semana un total de 40 quilos de polbo e 11 quilos de centola en actuacións levadas a cabo nas rías de Vigo e Arousa, dentro dos controis habituais contra o furtivismo.
Segundo informou o propio servizo a través do seu perfil oficial na rede social X, no marco destes operativos tamén se tramitaron 11 actas de infracción por distintas irregularidades detectadas.
Ademais dos produtos incautados, os axentes retiraron do mar máis de 300 aparellos de pesca ilegal, entre eles cacharros e nasas, así como preto de 600 metros de cabo empregados nestas prácticas.
