O domingo, seguimos baixo a influencia anticiclónica, aínda que coa presenza de aire frío en altura que deixará unha xornada de certa inestabilidade atmosférica.
Os ceos presentarán alternancia de nubes e claros na maior parte do territorio, mentres que co avance do día entrarán brétemas entre as Rías Baixas e o Golfo Ártabro, afectando especialmente ao litoral.
Pola tarde, espérase o crecemento de nubes de evolución no interior, que poderán dar lugar a chuvascos de carácter treboento, de distribución irregular pero puntualmente intensos.
En canto ás temperaturas, en xeral non experimentarán cambios significativos. Porén, rexistrarase un lixeiro descenso nas Rías Baixas e un ascenso na zona da A Mariña Lucense.
O vento soprará frouxo e de dirección variable, reforzando a sensación de tempo cambiante ao longo da xornada.
O noso mar; vento variable á mañá e á noite e do oeste á tarde, forza 1 a 2. Mar rizado. Visibilidade regular á mañá e á tarde e mala á noite. Mar de fondo do noroeste, con ondas de 0.5 a 1.5 metros.
