Rianxo e Padrón atópanse entre as sedes do IV Seminario intensivo de Defensa Persoal Feminina que organiza a Sección de Deportes da Deputación da Coruña, no marco das actividades deste 8 de marzo, Día Internacional da Muller.
A cita de Rianxo será o vindeiro 14 de marzo no Pavillón Municipal José Manuel Abuín “Chema”.
A cita de Padrón este venres 7.
Poderán participar como máximo 75 persoas.
Os seminarios diríxense a mulleres de idades comprendidas entre os 12 e os 75 anos empadroadas en calquera dos concellos da provincia da Coruña. Cada obradoiro durará tres horas, contará cun máximo de 75 participantes e será gratuíto para as asistentes. As sedes desta IV edición son Cariño, Bergondo, Camariñas, Cambre, Padrón, Rianxo, Santiago de Compostela e Narón.
A solicitude de participación presentarase a través do formulario de inscrición no portal web de deportes da Deputación nos prazos nel sinalados, ou ben no concello de realización do Seminario.
