O Concello de Noia continúa co desenvolvemento de actuacións de mantemento e posta en valor dos espazos públicos en distintos puntos do municipio. Nestes días estanse a levar a cabo traballos de limpeza, poda e acondicionamento nas zonas de Bergondo e A Barquiña, co obxectivo de mellorar o estado xeral destas contornas e garantir espazos máis coidados para a veciñanza.
Entre as actuacións que se están a realizar destacan o acondicionamento e o mantemento do mobiliario urbano, traballos de limpeza viaria en rúas e espazos públicos, poda e acondicionamento da vexetación, limpeza e posta a punto das beirarrúas e retirada de residuos e mellora xeral da imaxe urbana Estas intervencións enmárcanse no compromiso do Concello por “manter Noia limpa, ordenada e en boas condicións”, incidindo especialmente naquelas zonas que requiren unha actuación máis intensiva para recuperar o seu estado axeitado, e incrementar a seguridade dos peóns e tamén dos vehículos.
Dende o Concello agradecen a compresión da veciñanza polas “posíbeis molestias que estes traballos poidan ocasionar”.
