O Concello de Noia pon en marcha unha nova edición do Concilia de Semana Santa, un servizo pensado para facilitar a conciliación das familias durante as vacacións escolares.
A actividade desenvolverase os días 30 e 31 de marzo e 1 e 6 de abril, no Pavillón e nas aulas do IES Campo de San Alberto, cun programa de actividades para que os nenos e nenas desfruten dun espazo seguro e dinámico durante as vacacións.
As familias poderán escoller entre diferentes opcións segundo as súas necesidades: madruga (07:45-10:00), concilia (10:00-14:00) e saída tardía (14:00-15:15). Ademais, haberá descontos a partir do segundo fillo ou filla.
O prazo de inscrición estará aberto ata o 20 de marzo e xa se pode realizar a solicitude a través da sede electrónica municipal ou presencialmente no Rexistro de Entrada do Concello de Noia.
