O Concello de Noia, a través da Área de Deportes, impulsa esta tempada un ciclo de itinerarios saudábeis ao servizo da veciñanza. Trátase do Programa Actívate, que inclúe cada martes (incluído este 17 de marzo) andainas saudábeis e curtas polo concello de Noia, en palabras da organización “unha oportunidade perfecta para saír a camiñar, facer actividade física e compartir un bo rato ao aire libre”.
As rutas son de menos de 5 km, pensadas para iniciarse ou para persoas maiores, e sairán ás 10:00 h desde a Porta do Concello.
A primeira andaina será este martes 17 de marzo en Abruñeiras.
As inscricións realízanse no Concello de Noia, presencialmente ou chamando ao 981 84 21 00.
