O Concello de Rianxo informou da saída a licitación da segunda fase do proxecto que permitirá renovar a totalidade das luminarias do paseo marítimo da vila.
Nesta segunda fase, que conta cun investimento de uns 40.000€, cambiarase o treito comprendido entre A Carballeira e a praia do Pazo. As luminarias actuais cambiaranse por outras de maior eficiencia enerxética que empregarán tecnoloxía LED.
A totalidade do proxecto de renovación conta cun investimento de 95.000€ e que ten o apoio da Deputación da Coruña, mediante o seu Plan Único.
Esta iniciativa estase a executar en tres fases sucesivas, comezando en 2024 coa substitución das primeiras 31 luminarias entre Setefogas e A Carballeira.
O alcalde, Julián Bustelo, indicou co inicio de proxecto que boa parte das luces do paseo non estaban operativas, principalmente pola falta de mantemento, o que “limita o uso desta área de lecer”.
Estes traballos encádrase nun proxecto de maior alcance aínda: o proxecto para a mellora da iluminación no conxunto da vila rianxeira, unha actuación que conta cun orzamento de 547.364,30€.
