A Plataforma Queremos Galego, delegación do Barbanza, vai celebrar estes mes de febreiro dous actos reivindicativos en Rianxo dirixidos a reclamar máis presenza da nosa lingua en todos os ámbitos de actividade, un compromiso imprescindíbel para garantir o futuro do galego que require, agora máis nunca, a máxima implicación das administracións.
A primeira das cita será este 21 de febreiro, coincidindo co Día Internacional da Lingua Propia. Trátase dunha conferencia a cargo de Elsa Quintas Alborés, avogada e directora do Observatorio de Dereitos Lingüísticos. A conferencia Dereitos Lingüísticos:unha necesidade dará comezo ás 19.00 horas no Auditorio Municipal de Rianxo.
Ademais, o 28 de febreiro celebrarase o acto comarcal Contra a Emerxencia Lingüística. Será ás 12:00h no Busto de Castelao, no paseo da Ribeira de Rianxo (en caso de choiva celebrarase no Auditorio Municipal de Rianxo). Intervirán Tero Rodríguez (actriz), Xosé Agrelo Romeu (coordinador de Queremos Galego Barbanza), Marcos Maceira (portavoz de Queremos Galego), Xosé Deira Triñanes (profesor e exalcalde de Boiro). Contarase coa actuación musical do cantautor Xosé Duarte.
