O 23 de febreiro cumpriranse 189 anos do nacemento da ilustre escritora do Rexurdimento: Rosalía de Castro. O Concello de Outes, a través do servizo de Normalización Lingüística, colabora coa hostalaría para que os establecementos que o desexen, ofrezan esta fin de semana (o sábado 21 e o domingo 22 de febreiro) á súa clientela unha cunquiña de caldo ou tapiña de cocido, de maneira gratuíta, para lembrar o Caldo de Gloria.
Como lembraremos, o Caldo de Gloria é aquela querida receita da que falaba Rosalía no seu poema Miña casiña, meu lar, publicado no libro Follas novas (1880), no que unha muller pobre conta como consegue sobrevivir á fame, facendo un humilde caldo de gloria e un bolo do pote.
Para os días 21 e 22 implicáronse os seguintes establecementos hostaleiros e gastronómicos de Outes: A Nosa Taberna (Santo Ourente), Casa Roque (Santo Ourente), A d’Marilús (Areal), O Albatros (O Freixo), Hostal Montreal (Cruceiro de Roo), A de Suso (Pontenafonso).
O día 21 colaborarán John Turkey (Serra de Outes), Ruta San Campio (A Serra), Casa Amanda (A Serra), Mesón O Portelo (A Serra), A Pousada (A Serra), Restaurante Viña (Cruceiro de Roo), Casa Peto (Cruceiro de Roo), A de Vila (O Freixo) e O Taboleiro (O Freixo).
