O colectivo ambiental Noia Limpa, centrado en accións de divulgación e de traballo de campo para achegar un concello e unha comarca libre de residuos contaminantes (poñendo o foco non só na vila de Noia, senón tamén en ríos e praias e en paraxes naturais), celebrou esta fin de semana unha xornada de traballo no areal de Testal, onde os membros do colectivo e outras veciñas e veciños participaron nunha recollida de lixos.
A xornada levouse a cabo este domingo e grazas ao traballo das persoas participaron foron retirados 108 kg de residuos, entre plásticos, prendas de roupa, calzado, cabichas, restos de aparellos de pesca, envases de alimentos, material de construción, produtos de hixiene ou xoguetes.
Lembrar tamén que entre os residuos atopábase tamén restos de combustíbel guindados polos buques que pasan por diante da nosa costa (sentinasos de chapapote), vertidos que Noia Limpa tamén denunciou estes días nas redes sociais.
