O paso dunha fronte fría asociada a unha profunda borrasca va deixar unha xornada de meteoroloxía moi adversa nas Rías Baixas e en Santiago de Compostela, con ceos cubertos, precipitacións intensas e fortes ventos.
Durante a primeira metade do día, as chuvias están a ser persistentes e por momentos intensas, afectando especialmente ás zonas costeiras e ao interior da provincia da Coruña. Xa pola tarde, as precipitacións tenderán a producirse de forma máis intermitente, en forma de chuvascos, aínda que sen desaparecer por completo.
Outro dos aspectos destacados da xornada será o descenso da cota de neve, que baixará progresivamente ata situarse arredor dos 1.000 metros ao final do día, o que podería deixar as primeiras acumulacións nas zonas máis elevadas do interior.
No que respecta ás temperaturas, as mínimas experimentarán un descenso, mentres que as máximas se manterán sen cambios significativos(6 graos de mínima e 14 de máxima) . Os ventos sopraránn con intensidade do suroeste, con refachos fortes nas áreas máis expostas do litoral das Rías Baixas, rolando a oeste ao longo da tarde.
A situación meteorolóxica recomenda extremar as precaucións, especialmente nos desprazamentos por estrada e nas zonas costeiras, onde o vento e a chuvia poden dificultar a circulación e as actividades ao aire libre.
O noso mar: Vento do sudoeste á mañá, do oeste á tarde e do noroeste á noite, forza 7 a 8 á mañá, 5 a 7 á tarde e 6 a 7 á noite. Vaga á mañá e media vaga á tarde e á noite. Visibilidade mala á mañá e regular á tarde e á noite. Mar de fondo do noroeste, con ondas de 2 a 3 metros.
