Entre os concellos que participan na nova edición do programa de mobilidade e cultura Sobes ao bus do teatro? do Centro Dramático Galego atópase o Concello de Muros. En virtude desta participación, a veciñanza vai poder achegarse a Santiago, ao Salón Teatro, para asistir á representación (o 14 de xaneiro) da versión escénica de Memorias dun neno labrego, a senlleira novela de Xosé Neira Vilas adaptada por Candido Pazó.
Este venres, 9 de xaneiro, remata o prazo de inscrición para participar na saída especial organizada polo Concello de Muros dentro da campaña Sobes ao autobús do teatro?, impulsada polo Centro Dramático Galego.
A viaxe a Santiago será o vindeiro mércores, 14 de xaneiro de 2026.
A saída de Muros será ás 15.15 horas, e a volta á vila muradá está prevista para as 20.15 horas.
A entrada é de 5 €.
Haberá 17 prazas dispoñíbeis (por orde de inscrición)
Inscricións abertas ata este venres, 9 de xaneiro, presencialmente nas oficinas do Centro Cultural e Xuvenil de Muros.
